.

.

Sunday, July 20, 2014

AANKIK MULYA NIKAALNE KI VIDHI

Assalam oalaikum,

Kisi bhi vastu, naam athwa Quranic aayat ka aankik mulya nikaalne ke liye yeh aavashyak hai ke aap Huruf-E-Tehajji se parichit hon. Prayah chandra huruf-e-tehajji ka hi aankik mulya nikaala jaata hai evan is hi ka upyog kiya jata hai.
Nimnalikhit sanchitra dwaara is baat ko spasht kar deta hun:

Yeh abjad Chandra ke hain evan niche un ka mulya likha hai




Ab main paathakon ko bataunga ke kisi ke naam ka aankika mulya kaise pata lagaaya jaata hai huruf-e-tehajji dwaara. Udhaahran swaroop Ahmad naam ka aankik mulya yadi nikaalna ho to nimnalikhit vidhi ka anukaran karein:
·         Alif=1
·         Badi he=8
·         Meem=40
·         Daal=4
Kul sankhya hui 53, atah Ahmad ke naam ka aankik mulya hua 53.
Ab main aap logon ko kisi Ayyat ka aankik mulya nikaalne ki vidhi samjhaunga:
بسم الله الرحمن الرحيم
Udhaahran swaroop, Bismillaah hir-Rahman nir-Raheem le jiye:
·         Bay=2
·         Seen=60
·         Meem=40
·         Alif=1
·         Laam=30
·         Laam=30
·         Choti hay=5
·         Alif=1
·         Laam=30
·         Re=200
·         Badi hay=8
·         Meem=40
·         Noon=50
·         Alif=1
·         Laam=30
·         Ray=200
·         Badi hay=8
·         Yay=10
·         Meem=40
Kul sankhya hui 786, atah, is Aayat ka aankika mulya hai 786. Is hi vidhi se samast Surah ka aankik mulya nikaala jaa sakta hai.

Duaaon mein yaad rakhiyega,
Amel Soname
(Yadi kisi paathak ko koi prashna
poochna ho to mujhse email dwaara
sampark karein)
amel_soname@yahoo.com

RAKSHA KAVACH KI DAKSHINAA


Assalam oalaikum,
Kisi rakhsha kavach ki dakshinaa nikaalna atyant kathin kaarya hai kyunki 21 athwa 40 din tak nirantar padhaai karni hoti hai. Is ke atirikt jis raksha kavach ka prayog karna hai us ki dakshina nikaalne ke liye us ko 1,25,000 baar likhna padta hai. Tab ja ker woh raksha kavach prabhaavshaali ban paata hai. Waise yeh vidhi amileen karte hain is liye yeh atyant kathin hai. Main aap ke liye saral vidhi bata deta hun jis se raksha kavach shaktishaali ban sake.
Jis Surah se raksha kavach tayyar karna ho us Surah ko nyunatam 111/ adhikatam 1000 padh ker us raksha kavach per dum kar lein. Aisa karne se raksha kavach prabhaavshaali hojaega evan apni aarthik sthiti ke anusaar masjid mein us raksha kavach ke liye kuch hadiya/dakshina/dhan pradaan kar dein. Rupya dena aavashyak hai raksha kavach ka prayog aarambh karne se poorva.
Aise anek vyakti hain jin ki yeh maanyata hai ki Kalaam mein prabhaav nahin hai kuch bhi athwa raksha kavach prabaavshaali nahin hote hain.
Udaahran swaroop: Ek vyakti kisi vriddha ke paas ja ker kahne laga ‘Main nahin maanta ke Kalaam mein koi prabhaav hota hai athwa shakti ho sakti hai. Vridhha ne uttar diya, ‘Tu gadha hai’. Vyakti atyant krodhit ho gaya yeh baat sun ker. Vridhha ne kaha, ‘Dekha, mera ek shabd sun ker tum per kitna prabhaav pada hai..aur tum kahte ho ke Allah (swt) ke Kalaam mein koi prabhaav nahin hota. Yadi mere mun se nikla hua ek shabd ka itna prabhaav ho sakta hai to Kalaam ka bhi prabhaav hota hai’.

Duaaon mein yaad rakhiyega,
Amel Soname
(Yadi kisi paathak ko koi prashna
poochna ho to mujhse email dwaara
sampark karein)
amel_soname@yahoo.com

RAKSHA KAVACH KEWAL EK BAAR PRABHAAV DIKHAATA HAI-BAAR BAAR NAHIN


Assalam oalaikum,
Aise anek log dekhe honge aap ne jo kai varshon se ek hi raksha kavach gale mein pehne rahte hain evan atyant santusht rahte hain. Ab main aap ko samjhaata hun ke raksha kavach kis prakaar kaarya karta hai.
Pratyek aadhyaatmik kalaam ke paas koi na koi aadhyaatmik shakti hoti hai jo us Kalaam ki aagyakaari hoti hai. Us aadhyaatmik shakti ko aadesh diya jaata hai kuch vishesh kaarya karne ke liye tab woh shakti aadesh ka paalan karti hai. Parantu wo aadhyaatmik shakti kewal ek seemit avadhi ke liye hi aagyakaari rahti hai, jeevan bhar ke liye nahin. 
 Jaisa ke main bataa chukka hun ke raksha kavach per padhaai karni hoti hai evan un ka prayog karne se poorva zakaat/dakshina deni padti hai. Aisa samajh lein ke rakhsa kavach ke liye sainikon ko niyukt kiya jaata hai evan un ke liye aadesh jaari kiya jaata hai ke falaan falaan prakaar se surakhsha karo. Udaahran svaroop, kisi surakhsa kavach per 1000 sainik niyukt hain evan jadugar ne jadu karna aarambh kar diya. Ab maan lijiye ke jadugar ki ore se rozana 500 sainik victim ko haani pahunchaane roz aate hain. Fir rakhsa kavach ke sainikon mein evan jadugar ke bheje hue sainikon mein yudh aarambha ho jata hai jis ke parinaam svaroop jadugar evan raksha kavach –dono ke hi sainikon ki sankhya kam hone lagti hain. Pratham aakraman ke baad ho sakta hai ke raksha kavach per 1000 ke bajae kewal 600 sainik bachein. Ab jadugar agle din punah apne sainik bhej dega. To dheere dheere kar ke raksha kavach ke ooper niyukt kiye gaye sainikon ki maatra kam hoti jaegi aur anta mein koi sainik nahin bachega. Arthaat, raksha kavach pabhaavaheena hojaega. Aisa is liye hota hai kyunki shaktishaali jadugar ek baar jadu kar ke baithte nahin hain balaki nirantar apne jadu dwaara aakraman karte rahte hain jab tak un ke uddeshya ki poorti na ho jae.

Duaaon mein yaad rakhiyega,
Amel Soname
(Yadi kisi paathak ko koi prashna
poochna ho to mujhse email dwaara
sampark karein)
amel_soname@yahoo.com


RAKSHA KAVACH KO SADEV PRABHAAVSHAALI BANAAE RAKHNE KI VIDHI


Assalam oalaikum,
Yadi koi vyakti chaahta ho ke woh jis raksha kavach ka upyog kare woh nirantar prabhaavshaali rahe to woh nimnalikhit vidhi ka paalan kare:
Jis Surah ke raksha kavach ka prayog kara raha ho vyakti to us Surah ko din mein anek baar sa-swar padhe. Yadi Surah lambi ho to padhaai ki sankhya kam ki ja sakti hai.
Jadugar se nipatne ke liye raksha kavach ki shakti ko is prakaar banaaye rakhein:
Sarvapratham yeh dekhein ke jadu ki shakti kitni hai. Udhaaran svaroop, yadi vaayu chalti hai to manushya ko us ka sparsh hota hai, yadi vaayu teevra gati se chale to bhi manushya ko sparsh hota hai. Yadi toofan aaye to bhi manushya ko pata chalta hai. Waise hi jadu ke prabalata ka bhi peedit ko aabhaas ho sakta hai.
Isi prakaar jadugar ke aakraman ki shakti ko bhi jaanch karni padti hai ke woh chota mota jadu kar raha hai athwa ghaatak prakaar ka. 
Ek aur udaahran deta hun:
Yadi jadugar roz peedit ki ore 2000 shaitani shaktiyaan/jinaat aadi bhej raha hai evan peedit kewal 111 baar padhaai kar raha hai to aisi sthiti mein peedit jaadugar ke tulna mein nirbal pad sakta hai evan woh svayam ko bacha nahin payega. Jadugar ka kiya hua jadu victim ko naakaaratmak prakaar se prabhaavit karne lagega. Yahi kaaran hai ke victim ko us per hone wale is aadhyatmik aakraman ki shakti evan baarambaarta ke anusaar hi padhaai karni chahiye. Aisa karne se raksha kavach ke sainik victim ko suraksha dene mein safal ho sakte hain jis ke kaaran victim ki avastha adhik nahin bigdegi.

Duaaon mein yaad rakhiyega,
Amel Soname
(Yadi kisi paathak ko koi prashna
poochna ho to mujhse email dwaara
sampark karein)
amel_soname@yahoo.com

Friday, July 18, 2014

SURAH FAATIHA KE RAKSHA KAVACH SE ROGI BANAANE WALE JADU KA TOD


Assalam oalaikum,
Surah Fateha ke raksha kavach se kisi ko rogi banaane wale jadu ka tod kiya ja sakta hai. Is raksha kavach ka prayog karne ka disha nirdesh yeh hai:
1.    Yeh raksha kavach pani mein ghol ker piya jaata hai jis se atyant laabh hoga InshaAllah
2.    Rozana ek naye raksha kavach ka prayog karien, yaani jal mein ghol ker pi lein
3.    Ek raksha kavach ko jal ki botal mein ghol ker rakh lein evan paanchon samay ki namaz ke paschaat us pani ko pi lein
4.    Yeh upaay ek saptaah tak karien
5.    Raksha kavach ka prayog karne ki adhik jaankaari ke liye meri pichli posts 1. AANKIK MULYA NIKAALNE KI VIDHI.docx evan 2.RAKSHA KAVACH KI DAKSHINAA.docx aavashya padhein
6.    Surah Fateha ka aankik mulya hai 9461. Nimnalikhit raksha kavach morabba (4x4) mein poorna kiya gaya hai. Is raksha kavach ke 7 print outs nikalwaa ke un ka prayog karien. Is ko svayam na banaein kyunki yadi aapne aisa kiya to raksha kavach ki chaal ghalat ho jaegi. 

Duaaon mein yaad rakhiyega,
Amel Soname
(Yadi kisi paathak ko koi prashna
poochna ho to mujhse email dwaara
sampark karein)
amel_soname@yahoo.com


Tuesday, July 15, 2014

SURAH BAQARAH SE MIRGI ROG EVAN JANOON WALE JADU KA TOD

Assalam oalaikum,

Surah Baqarah ke rakha kavach se mirgee rog evan Janoon (pagal banaane wala jadu) ka tod ha jaata hai. Yeh raksha kavach vyakti ko dushta aatmaon se bhi surakshit rakhta hai.
Is raksha kavach ko gale mein pehenne se InshaAllah mirgee evan Janoon naamak jadu se suraksha praapt hogi.
Is raksha kavach ka prayog karne ki adhik jaankaari ke liye meri poorva posts 1. AANKIK MULYA NIKAALNE KI VIDHI.docx evan 2.RAKSHA KAVACH KI DAKSHINAA.docx bhi padhein. Is ke pashchaat aap is raksha kavach ka prayog kar sakte hain.
Surah Baqarah ka aankik mulya hai 947609. Nimnalikhit raksha kavach morabba (4x4) mein poorna kiya gaya hai. Is raksha kavach ka print out nikalwaa ke us ko prayog karien. Is ko svayam na banaein kyunki yadi aapne aisa kiya to raksha kavach ki chaal ghalat ho jaegi. 

Duaaon mein yaad rakhiyega,
Amel Soname
(Yadi kisi paathak ko koi prashna
poochna ho to mujhse email dwaara
sampark karein)
amel_soname@yahoo.com


Monday, July 14, 2014

SURAH AL-IMRAN SE UDHAAR EVAN NIRDHANTA WALE JADU KA TOD


Assalam oalaikum,

Surah Al-Imran ke raksha kavach se nirdhan evan udhaar ki dal-dal mein fansaane wale jadu ka tod ho jaata hai. Is raksha kavach ko gale mein pehenne se InshaAllah is prakaar ke jaduon se mukti praapt hogi.
Is raksha kavach ka prayog karne se poorva meri pichli do posts avashya padh lein us ke pashchaat nischint ho ker is raksha kavach ka prayog karien. 1. AANKIK MULYA NIKAALNE KI VIDHI.docx evan 2.RAKSHA KAVACH KI DAKSHINAA.docx.
Surah Al-Imran ka aankik mulya hai 184956.
Nimnalikhit raksha kavach morabba (3x3) mein poorna kiya gaya hai. Is raksha kavach ka print out nikalwaa ke us ko prayog karien. Is ko svayam na banaein kyunki yadi aapne aisa kiya to raksha kavach ki chaal ghalat ho jaegi. 




Duaaon mein yaad rakhiyega,
Amel Soname
(Yadi kisi paathak ko koi prashna
poochna ho to mujhse email dwaara
sampark karein)
amel_soname@yahoo.com